昨晚我同阿mi请D人去米诺星唱K，原本只系计划请5-6个，去到发觉个房好大，最后叫佐10几个人来，好热闹啊。可惜阿芬起东莞培训，返唔到来，好久无见到她咯。我唱歌依然系唱几首之后就开始有D声沙啦，不过都算啦，最紧要开心嘛。

今个暑假应该都见唔到班人噶啦，寒假返来再聚过啦。希望下次可以见到多D人啦。

放假甘得闲，反而好久无写blog啦。

放假放到今日，差唔多放佐一个月啦。虽然放假放佐甘久，不过我好似咩都无做到。体育锻炼频率低，经常一个星期先练果4、5次，而且仲无咩跑步添，对跑鞋寄返来真系浪费。

原本打算去旅游噶，可是一直都无成行。原因系咩？讲来都无人信，居然系因为自己一直都懒得计划，搞到去唔到。依家手机烂佐，要换手机，无钱啦，而且天气又热得厉害，旅游系无望噶啦。

其它人都上晒班啦，除佐周末外，就唔得闲啦，而且有几个唔起东莞做野，想见都唔系甘易有得见。返来甘久，净同初中D朋友玩佐几次，同高3噶两个朋友见佐次面，其它人都仲未见到。

过多10几日我就走啦，下次返来又系半年后噶事啦。

今晚小章叫我出去饮野顺便倾计，我今日好累，原本唔圆出噶，不过小章曾经帮过我，而且她同我都几熟下，都系去啦。今晚同小章讲佐一晚D考研噶野。其实我都几佩服她，上年考本专业考唔到，今年居然敢去跨专业考。不过听她讲噶，准备得实在唔充分，6级又未过。不过依家开始搏命都仲有时间，希望她顺顺利利考得上啦

终于都放假啦，应该最后一个极其轻松，唔使做野无野烦噶暑假了呱。以后研究生的暑假会唔会好多野做好多野烦咧？

回家好多天了，生活规律仲未稳定落来，一共先锻炼佐3次。期间出去一次帮木银整电脑用，有一晚11点几D人叫我出去唱K，不过当时实在太累啦，所以无去到。然后，就开始日日落雨啦，搞到想出街都唔得。不过其实唔落雨，又系无咩好做，D人大部分都返工，阿咪又去佐广州实习，想去睇电影都可能无人陪我去。周末果阵，学车噶学车，拍拖噶拍拖，企深圳噶人，又N久唔返来一次。

哎，里个暑假，会唔会系一个人噶暑假咧？会唔会有人同我去旅游咧？我想去旅游啊，云南又好，杭州又好，只要有人陪我去就得。

今日开始可以罗毕业证，今日也开始有人走啦。中午高升请我地食散伙饭，表现出了他4年来都无出现过噶豪气。下午，黄琛就走啦。一直以为，我对毕业唔会有咩伤感，点知，当真系有人走，而且系同我比较熟，比较好噶一个，却觉得真系有少少伤感。原本无咩可以送俾他，不过他无意中讲到，去村基层工作，可能需要电筒，我就将我把电筒送佐俾他啦，希望对他以后噶工作会有微小噶帮组啦。一路顺风啦，室友，一起生活佐4年，都算系一种缘分啦。

昨晚7：30，我同其它3个室友，一共4个人，坐火车去爬华山，去到果度9点几，听个的士司机讲，体力唔好噶人，12点开始爬就得啦。于是我地就是去佐食宵夜，11点半先开始爬。上一次坐缆车到北峰先开始爬，唔觉得好累。今次就唔同啦，直接从山脚开始爬，累到死。D路陡，水又带得唔系好够，搞到爬10几20分钟左右，就要休息一下，最后上到东东峰居然要5点半，不过好彩，个太阳仲未出来，可以睇到个日出。不过讲真，个日出好一般...

原本计划我地落山系坐缆车噶，点知部缆车维修T_T，要爬返落去，惨啊。个太阳又鬼死甘大，晒到我又黑返。而且又累喔，对脚系甘震，无奈啊。

今日同我宿舍噶3个人，同埋隔离宿舍噶5个人出去K歌。里次应该系大学4年来，第一次起西安K歌，不过过程有D搞笑。首先就系有条佬嫌巴士人多，要坐下一班，估计后来觉得可能会搵唔到我地，就决定唔去啦。然后就系我地一开始搵唔到间K房，有条佬去问路，问一个企路边发传单噶女青年“阿姨，请问....”-_-!!。唔知她系唔知间野企边，定系怪罪条佬叫她阿姨，居然指佐个相反方向俾我地。于是，我地就行佐一大段冤枉路啦T_T。最后都系企我个本地同学噶电话指导下，我地终于都搵到间K房啦。K房噶价格好便，一个中房，10文一个钟，两个果盘76文，我地唱佐3个几钟，一共114文，几鬼抵下。

一般来讲，去唱K，我都系比较配角，估唔到，今日唱得最多果个系我，唉，班人实在太放唔开啦。里次唱K先100几文，而且就快毕业啦，我就干脆请客算啦，当系纪念散伙噶另一种形式啦

今日系我地班踢电院“毕业杯”噶第二场比赛。上一场运气好，踢佐个3-3，不过今日运气就唔掂啦，俾人踢5-2。失佐最后一个球之后，就换晒D人啦，尽量俾到场噶人都有机会上。我都起里次换人入面，上场打左后卫。上佐场先明白，原来我地失5个波已经系好幸运啦。我地班D人体力差，一去进攻后，后场就得返2、3个后卫防守啦，经常俾人多打少，唔失球就假啦。短短噶10分钟，我已经挡佐两个必进球，唉，可想而知我地系点甘俾人压住打。可怜啊。

今次唔知会唔会系我企里度踢噶最后一场球咧，下一场我都唔知上唔上。而且我一上，就无人影相啦，都影唔到我踢波噶英姿。

今晚去食散伙饭，一人50，班佬野无食几多，就系不停甘饮酒，几条佬都企度吹喇叭，劲啊，饮酒当饮水甘，北方人果然厉害。为佐唔饮甘多酒，我早早走人，点知返到宿舍，冲完凉之后，D人又过来派酒，一人一支，顶，刚刚先消化完D酒精，又要饮过，搞到个肚鬼死甘涨，今晚睇来都系无得早睡咯

早早就答辩完，搞到依家都唔知做咩好，日日猫企宿舍，对住部电脑，连打机都打到无咩瘾啦。唉，真系无聊，好想快D去唱K同爬山啊，唔系真系会闷出病噶。仲有10几日先可以返屋企，里段时间点过啊。

 以前未答辩前，日日都早早起身，吃早餐，写论文，依家同样早早起身，吃早餐，吃完早餐就无野做啦。想去旅游，又惊要突然间要填表，办手续，唔敢出门去远行。唉，闷，无聊，无野做，就系里段日子噶所有，danm it.

估唔到啊估唔到，学校居然无贪污到里两个学期噶补助，一共298文。可以话意料之外噶资金，虽然我够钱用，不过既然最后一个学期啦，听日答辩完就好得闲啦，罗D钱去玩下都好。不过可惜无人愿陪我去杭州，阿咪里个学期又去佐南京啦，可能无钱。唉，唯有同D室友去爬华山啦，我上次都未爬到顶，而且他们系夜爬，feeling应该会唔同D。再加上有补助，对D人来讲，都系一笔意外资金，唔怕无钱去。所以，里次应该会有4个人以上去，都算系我宿舍最大规模噶一次出游咯，最后时刻，大家留返个美好回忆都好噶

唉，篇论文写完内容，又要整格式，整佐几日，都唔知岩唔岩噶，越整越多问题，烦死人。整完论文，仲要去整翻译噶格式，又要做PPT准备答辩，鬼死甘多野搞，无瘾。最死噶系，我6号答辩完，29号先可以走，里20几日都唔知点过....

唉，前几日发佐篇论文初稿过去俾个老师睇，他居然对论文格式要求鬼死甘细，《论文格式》上无要求噶都要我地整。对论文有要求就算啦，甘细枝末节噶野，使咩要求甘严啦，烦死啊。仲话依家做佐我地噶秘书，要帮我地噶论文查错。车，唔帮我地查错，要你个导师来做咩啦。仲话再有格式上噶错误，就直接唔俾答辩。哼，我先唔信

哇，答辩居然提前佐10几日，以前话系6.18左右答辩，依家居然提前到6.6。好彩，我论文开始得早，依家搞麦个程序就差唔多啦。不过个程序我编唔出，企示例入门搵噶，居然都会有错，顶.....点算好咧，最后唔会死企个程序度嘛

昨日去药店买野，顺便去果个磅度称佐下。上次系冬天果阵称噶，着佐鬼死甘多衫，先得57KG，昨日唔着几多衫，都系57KG，证明我真系重佐哦。虽然净重可能仲未有110斤，不过应该都系差1、2斤左右姐。接落来要继续食多D野，继续做力量训练，继续生多D肉，向120斤进发！！

从地震第一日起，到依家依家一个星期啦，居然仲有余震。前晚再次将我震醒佐，大佬，俾人睡下觉好无。今晚仲夸张，地震局发预警，话今明两日可能会有较强震感，D人居然走去操场睡，god，使唔使啊，较强震感姐，唔系较强地震啊。

今日下午2：28，全国默哀，我都好自觉甘参与，无他，表达一D心意姐。

前几日个胸口深呼吸果阵有D痛，今日去医院检查，麦事都无。于是，今晚又去跑步，点知跑佐一阵，就拉伤佐大腿噶肌肉啦。唉，真系黑仔，又要休息个几星期先可以再做运动啦。

今年中国真系发生好多事，先系雪灾，再就系物价暴涨，股市暴跌，EV71病毒，ZD分子搞事，奥运被抵制，依家又来一次7.8级大地震，地震完之后仲要落雨，搞到救灾鬼死甘困难。真系多灾多难噶一年啊。希望今年唔会成为国运衰退噶开始啦。中国，顶住啊，你得噶，我得噶。

今日下午2：45左右，我企坐起银行张凳度，等紧叫号办业务，突然间，觉得好似有D头晕，不过1、2秒后，就发觉，唔岩啊，唔系头晕啊，好似系地震啊，即刻走人。几秒钟后，街上就堆满佐人。包括我在内，个个都企度打电话发短信，可惜，好似无一个人打得通，通讯中断佐啊！！！好彩，西安只系有震感，唔系震源所在。今次真系一次好宝贵噶经验，以后再遇到地震，反应应该会仲快D。

顶，今日电信终于将我个到期一个几月噶ADSL包月套餐停佐啦，我里层楼又上唔到校园网，逼住我去买201上网卡上。张上网卡D资费超贵，1分钱1分钟，以一日上12个钟来计，一个月就要200几文。顶，抢钱啊。而且班友仔一日肯定唔止上12个钟，都唔知剩返里个几月要晒几多钱去买上网卡。

今日早上，终于将电源电路都画埋出来啦，意味着，我噶原理图做得七七八八啦。唉，从开始画原理图到依家，应该过佐10几日咯。其实如果认认真真甘睇书画图噶话，应该2、3日就可以画晒出来。自己都系懒啊。接落来就要搞制表同PCB图啦，搞完仲要搞CCS，仲有一大堆野要做啊。剩返个几月就要答辩啦，时间都唔算多了，要勤力D先得啦。